Бид үйл ажиллагаагаа НҮБ-аас баталсан Тогтвортой хөгжлийн зорилтуудтай нийцүүлэхийн зэрэгцээ хэрэгжүүлж буй төсөл, хөтөлбөрөөрөө дамжуулан Монгол Улс, улмаар дэлхий нийтэд тулгамдаж буй нийтлэг сорилтуудыг шийдвэрлэхэд өөрийн хувь нэмрийг оруулахыг эрмэлздэг юм.
Энэ хүрээнд бид дараах чиглэлээр үйл ажиллагаа явуулж байна.
Дотоодын ЕБС-удтай хамтран дунд, ахлах сургуулийн сурагчдад зориулсан тэтгэлэгт хөтөлбөр санаачлан хэрэгжүүлэх бөгөөд гадаад улсын нэр хүнд бүхий их, дээд сургууль, коллежид суралцах оюутнуудад зориулсан тэтгэлэгт хөтөлбөрийг тодорхой шалгуурын дагуу (ур чадвар, хэрэгцээ шаардлага г.м) хэрэгжүүлэх.
Тоглоомын талбай, олон нийтийн төв, соёлын булан зэрэг бүх насныханд зориулсан нийтийн орон зайг нийслэл, хот, суурин газарт байгуулах.
Их, дээд сургуулиудын дэргэдэх тэнхим, судалгааны төвүүдэд Голомт сангийн үйл ажиллагааны чиглэлүүдтэй уялдаа бүхий сэдвээр судалгаа хийх боломжийг хангах, шаардлагатай дэмжлэгийг үзүүлэх, туршлага судлах, чадавх нэмэгдүүлэх чиглэлээр тодорхой төсөл, үйл ажиллагаа хэрэгжүүлэх, дэмжлэг үзүүлэх.
Монгол дахь иргэний нийгэм, төрийн бус байгууллагыг бэхжүүлэх, чадавхжуулах санал санаачилгад санхүүгийн болон бусад дэмжлэг үзүүлэх.